Yoga Nidra 🧘🏻‍♀️❤️🙏

Koi bhi vyakti agar aapse moh karta hai, vah aapko pyaar karne mein hamesha asafal hi rahega.

Vah chahe aapke mata-pita hoon  aapka partner ho, bhai-behan ho ya aapke bachhe.

Pyar karuna par aadharit mukt karta hai, moh ahankaar par aadhaarit hamesha haavi rehta hai.

Pyar - mere bachche ko khushiyaan aur sahi galat ka marg hamesha dikhalna hey ishwar.

Moh - main hi mere bachchon ko khushiyaan, aur sahi-galat ka marg dikhla sakta hoon/sakti hoon.

Vastav mein moh se pala bada har vyakti, jeewan mein kaafi maat khaata hai, vah tarrakki hansil toh kar leta hai, lekin zyada samay tak uss tarrakki ko barkaraar nahi kar paata.

Short term goals, banane chahiye, lekin bada vision deemag mein rakhte huye, kabhi bhi kewal ‘go with the flow’ vali soch rishton mein nahi laani chahiye. Kewal dead fish goes with the flow, aap agar jeevit hain, toh aapka rukh anek karanon ki vajah se banega, ek seedh mein hi nahi chalta chalega.

Mere pehle post mein kisi ne pucha jo ghar mein purvajon ki tasveer tangi hoti hai, usey dekhte huye, dil nahi maanta ki unki banayi dhan-daulat kisi aur ke naam kar di jaaye, ki unhone badi mehnat se pet kaat ke ghar banaya tha, aur humko saunp gaye..

Badi hi achhi baat hai ki inn sajjan ne itni nekta se apne purvajon ko yaad kara.

Eye donation centre, dog shelter, vridh aashram, anaath, apahijoon ko daan mein dete samay bhi aapke hi purvajon ka naam Founders Stone pe unhi ki murti bana kar likha jayega, ki falana itna jiye, aese vichaar rakhte they, aur sab kuch society jisme rehte they, samajik rishte jo unhone banaye unko vapas de gaye, yeah bhi likha jaayega ki aap unki aulaad hain jinko voh itna kaabil bana gaye hain ki aap apne jaane tak itna saksham bane ki aap bhi society ko vapas deke jaaye jo aapne iss samaaj se liya-diya. 

Acts of service keliye ek vah insaan hi soch sakta hai, jisne bachpan se pyaar mein paalan-poshan bitaya ho moh mein nahi.

Aapka bachpan bhinn-bhinn prakaar ke anubhavon se lipta hota hai, agar sabhi mata-pita apne bachhe ko moh ki bajaye, pyaar siksha mein dein toh unka bachcha kabhi kisi galat rah pe nahi jaayega.

Kitne mata-pita, galati mein bachhe ko kuch nahi bolte, ki unka baccha unse dur nahi ho jaaye unse nafrat nahi kar baithe, vaheen kuch mata-pita, sabke saamne apni hi santaan ladka ho ya ladki unki galati ka pradarshan karne mein peeche nahi hat-te, aese mata-pita bhale hi shuru mein bachhe ko kaafi jhoot bolne pe galatiyaan chupaane ke marg par le jaaye, lekin life long, aese bachhe aur aese mata-pita ka jeewan siddhantoon se bhara huya hota hai, yeah aese pariwaar hote hain jinhonne hamesha sach ka hi saath diya ho, chahe kewal pariwaar mein char hi log aajeewan ek dusre ke saath bane rahein.

Galtiyoon pe parda daalna, dekh ke bhi andekha kar dena, kewal isliye ki manmotaav banega aur baccha apne mata-pita ka sahara nahi banega budhape mein yeah kaafi low energy ki manasikta hai, isse aapka bachcha hamesha aapko chalata hi rahega, aur aap dhool hi chaat-te reh jayenge alag alag roop mein, vah itna dheent ban jaayega ki aapse zyada traas aapke jaan-ne vaalon mein aur kisi ko nahi hoga.

Aap khudh apne traas ki vajah ban rahe hain iss ko jitna jaldi ho sake theek karein.

Aese bachhe sabke mouh pe shaant bhale hi hoon, lekin inke andar ek bahut badi cheekh hoti hai jo inko barbaadi ke marg par lejake khada kar chuki hoti hai, duniya ki nazar mein aese bachhe acchi naukariyaan, rutbe vaale job portfolios bhale hi paa lein, lekin vaastav mein agar vah apne partner se jhoot hi bolein aur gaslight karein, toh aesi  taleem ka kya nijaat !?

Koi bhi mata-pita, kabhi yeah nahi chahta ki unka bachcha porn addiction mein padh jaaye, lekin agar unke bachho mein, shaadi se pehle hi aese manasikta hai ki vah dark web par ajeeb-o-gareeb chats karte hain, anjaan logo se connect karke unse baat karke unko achha lagta hai, toh unka aatma-samman kam hota chala jata hai, unki immunity bhi affect hoti hai, unka vyavahik jeewan kabhi sukhmay nahi hota, kyunki vah kabhi apne partner ke emotional needs ko samajh hi nahi paate, unse connect hi nahi kar paate, vah hamesha low self-esteem, low confidence ka hi shikaar rehte hain, yeah beemari hai iske liye manovaigyanik se avashya sampark karein, lekin mata-pita ko apne bachho se khule dil se nivedan karna chahiye ki kam-se-kam manovaigyanik ko toh jaake unka bachcha apne vichaaron ke baare mein sach bayaan kare.

Isme unke bachchon ki zindagi mein aaye partner ki koi bhi galati nahi hoti, aapke bachhe mein jo kami hai, uspar parda daalne se unka vyavahit jeewan zyaada bade sangharsh se joonjhega.

Couples ek dusre ko samajh sakte hain aur solutions de sakte hain, solution pe work karna unke khudh ke haath mein hota hai..agar ghar mein doston ko bulake khana khilakar, achha time spend karke puraani baatein peeche rakh kar, couple aage badhte hain, aur uske baad bhi sabke ghar se jaate hi, aapka bachcha Porn hi dekhe toh phir yeah manasikta hai ki jese bhi thodha sa time haath lage aur vah apne zindagi mein yeah ek maatr manoranjan ko enjoy kare.

Agar kisi ke shaadi tootne par ban aaye aur phir bhi insaan dheent hi rahe toh phir aesa insaan alag hi ek level par pahunch chuka hai, usko vahaan se kewal aur kewal vah khudh hi laa sakta hai, aur voh bhi kewal tabh jab ki voh vahan se apni swam ki marzi se aana chahe. Yeah uska aur kewal uska choice hai.

Kaafi log kahenge porn toh sab dekhte hain, yeah toh normal hai..chahe yeah ek 80 saal ka manovaigyanik bhi bol de, ki yeah normal hai, aapko yeah samajhna bahut zaroori hai, ki yeah normal nahi hai, haan Sex Education ke baare mein Sexologist se consult karna bilkul normal hai. Sexologist agar bataye ki kaise kya karna hai ki emotional connect bane, voh normal hai.

Yeah maine kuch saal pehle bhi jab porn trafficking racket case aaya tha tabh bhi bola tha, koi bhi jo porn industry mein jaata hai, apni marzi se nahi jaata, toh unka shoshan dekhkar agar aap satisfied hote hain, ya ise ek prakaar ka manoranjan samajhte hain, toh yeah aapki manasikta dikhalaata hai.

Bahut log kahenge ki porn stars kaafi accha kama lete hain, khush hain, they seem enjoying on the screen, toh shaadiyaan toh vah bhi chalti hain saloon saal, jahaan log khush hi nahi, on screen jo dikhta hai vah sab 100% sach nahi hota, vah kewal ek pehlu hota hai.

Studies batati hain kuch couples saath mein porn dekhte hain, kyunki unke kehne anusaar kuch time baad boriyat aane lagti hai, toh kuch naya try karna hota hai..

Well yeah har couple par depend karta hai, ki voh apne rishte se kya chahte hain, aur ek hi dusre se bore kiss prakaar ho jaate hain 🤣😂 lekin kisi ki uttapeedhna ko dekhakar aap agar apni khushiyoon ka basis banayenge toh aapko kabhi long term khushi nahi milegi, yeah dhyaan mein zaroor rakhiyega 🧘🏻‍♀️

Pehle ek hi ghar mein 7-8 bhai behan hote they, tabh toh yeah manoranjan ka saadhan nahi tha, main yeah nahi keh rahi ki shaadishuda zindagi ko rochak banane keliye jo couples yeah karte hain unka Divorve nishchay hi likha hai, lekin vah 100% loyal nahi hote apni shaadi mein, main aese itne logo ko jaanti hoon, jo apne partner ki nazar mein 100% loyal hain, aur unke bahar affairs ya toh chal rahe hain, aur ya toh chal ke khatam ho chuke hain..aur thodhe time baad vah naya try karne ki hodh mein, next level ki cheezein try karne ka bhi sochte hain, jese 3-some, 4-some aur na jaane kya kya.

Again yeah couple to couple unki needs aur unke uppar depend karta hai. Kamaal ki baat hai ki aese couples ke bachhe bhi hain, aur inka pariwaar kaafi sukhi bhi hai..khair kisi pe bhi hum comment karne yogya ban jaayein aesa hum apne jeewan ke aakhri saans tak kaabil nahi bante, jisko jesa chalana hai, vah uski marzi.

Isiliye bolte hain soch aur manoranjan par toh koi lagaam nahi, aap isko jitna apne upar haavi hone denge yeah utna hi haavi hoga..manoranjan ke aese itne madhyam hain, ki aap apne partner ke saath discover kar sakte hain, ek daayare mein rehkar..dayare se bahar toh khair har ek cheez hi aape se bahar ho jaati hai..

Jo log extra-marital affairs mein padhte hain, koi kewal ‘fun element’ ke maksad se shuru karte hain, aur aage jaake kya hota hai aap sab vaaqif hain hi..zaroori nahin ki extra marital affair mein padhte samay jesa aap feel karte hain, aap khatam karte samay bhi vesa hi kewal fun element feel karein.

Sex karne se, chemical release hota hai couples ke beech, jo unko bandhta hai, jode rakhta hai, yeah science hai, isiliye Sex ek taboo na banakar usko samjhein ki aakhir kyun zaroori hai ek grahst jeewan keliye.

Testosterone pills lena shuru karne se pehle, kuch log koi bhi action karte hi nahi hain apne bedroom mein, bass kyunki uss se performance badhiya hota hai toh होड़ hai bhag rahe hain peeche, arey bhai dikhaye par mat jao, apni bhi akkal lagao 😂🤣

Performance pressure ka pressure toh tabh kaheen jaake lijiyega ki jab aap apne partner keliye attraction kho hi baithe hoon, aur mere maan-ne mein jo koi bhi kehta hai ki shaadi bachane keliye Porn dekh lo ya nazar andaaz kar do, chup raho, jaane do, bachcha kar-lo yeah sab salah unke liye hoti hai, jinke paas Shaadi ka mahtav saanf nahi. Kitni, aur main studies ke mutaabik bata rahi hoon, kitni shaadiyaan kewal Respect aur responsibilities par hi jami huyi hain, unmein pyaar kab ka khatam ho gaya hai..toh kewal pyaar se shaadiyaan chal rahi hoti toh aaj India population par number 1 desh kabhi nahi hota bhai 😂🤣🙏

Shaadi sada keliye hoti hai, lekin agar aapke partner ke samajh ke hi bahar hai yeah concept, toh aap chah kar bhi kuch nahi kar sakte.

Aapka Porn dekhna, uska addict banna, aapke partner ke vyavhaar ki vajah se nahi ho sakta, aapke mann ki stithi unke vyavhaar par nirdharit nahi ki jaa sakti, voh cheat karenge toh kya aap bhi cheat karenge !?

Agar iska answer NO hai, toh voh chahe kuch bhi karein, aap sahi baat kehne se kabhi peeche nahi hatein 🙅🏻‍♀️

Bina jhagde bhi baatein hoti hain, voh Sorry feel nahi karte, kyunki unki aankhoon mein vah sahi hain, toh aap kyun apne aap ko dosh dete hain !?

Do chup logo mein jitni baatein hoti hain, utni do bolne vaalon mein kabhi nahi hoti - yeah Fact hai.

Unki life cycle ka karma vah khudh niptenge, aap apni life cycle mein rahein. Baaki Supreme Court ki new ruling ke anusaar abb 6 months ka bhi wait karne ki koi zarurat nahi hai, Instant Divorce lago kar diya gaya hai.

Shaadi bachane ke liye nahi ki jaati, Shaadi ki jaati hai nibhaane keliye, yeah choti si baat hai, agar aap aur aapka partner iss se sehmat hain tabhi Shaadi mein rahein, nahi toh apne apne raaste jaayein.

Main aesa isliye keh rahi hoon bhai kyunki main bhi shaadishuda hoon, Shaadi todhna kisi ka mann nahi hota lekin agar aapka partner shaadi ke maaiyene hi nahi samjhta toh Shaadi mein rehna bhi Diabetes ko chunauti jesa ban jaata hai 😀

Aap jab bhi udaas hote hain toh chocolates 🍫 hi aapka sahara banti hain, toh chocolates bilkul hi bandh nahi kar deni chahiye, kyunki aajtak roone ke baad mood uplift karne keliye, kisi bhale maanush ne Sprouts 🌱 toh nahi hi khaaye hain bhai 😂🤣 lekin chocolates par hi nirbhar rehna apna mood uplift karne keliye bhi zehar hai, isliye karein sab lekin napa-tula 💁🏻‍♀️

Khush rahein, mast rahein, aur partnership mein rahein sada keliye 🤝❤️🙏

 

Himmate marda madade khuda!

 

Bachpan se hum mata-pita ke ehsaas ko sabse kareebi aur surakshit paate hain, yeah ek maatr anubhav hamari zindagi bhar ki daud aur jaddo-jehad ka kaafi saral sankshep rehta hai..

Agar aap chote bhai-behan mein se hoon toh aapse pehle aapka bada jo pyar aur upbringing unhi same mata pita se leta/leti hain voh aapko kabhi nahi milti, aesa nahi ki mata pita koi bhed bhav karte hain, lekin kehne vaale ne spasht roop se sahi hi kaha hai - that no two children of the same set of parents get the same set of parenting.

Parenting is really a roller coaster ride not only for parents however for children too. 

Pehla baccha pehle pyaar ki tarah hota hai, voh anubhav har mata-pita keliye sakariye roop se mehtavpoorn aur anek jazbaaton ki kadi se lipta hota hai..jese jo pehli baar maa banne vaali ho, voh duniya bhar ke parhez, har kadam pe chaukanna rehte huye apna har ek pal nikalti hai, aap kisi bhi gaon ka example le sakte hain- auratein paani ke matke bharne se lekar ghar ke sabhi kaam karti hain, bachcha bhi normal delivery aur aasani se hota hai, chalte phirte ghar bhi aajati hain aur dobaara garhati ke karyoon mein doob jaati hain..vaheen ek naya pita - paise jod ke har latest khilona jo bhi uski haisiyat ke thodha sa bahar ho voh tak ikkattha karta hai aur apne aane vaali santaan ka pure dil se intezar karta hai, bachhe ke aane ka intezar mata-pita ko aur kareeb karta hai, yeah bhawna har ek couple mehsoos zaroor karta, chahe unhone bachhe ki planning kari ho ya nahi bhi 🤣😂 lekin aapsi pyaar umadhta zaroor hai..

Bachhe ke aane ke baad, sab kuch naya hota hai, dada-dadi, ghar pariwaar, sabhi khushi se jhoom uthte hain agar ghar mein pariwarik tanav ho to sab kuch peeche rakh ke sabhi ek sath uss nanhi si jaan ka achhe se swagat karte hain..

Parents eventually kaafi kuch naya seekhte hain apne khudh ke bachpan ke baare mein aur apne mata-pita se zyaada connect karte hain..yeah sab chal hi raha hota hai, phir entry hoti hai dusre bachhe ki 🤣😂 koi 1 saal mein entry kar leta hai koi chaar saal mein koi koi ek se hi bass kar lete hain..khair iss baar dusre bachhe ke time Parents ke paas experience hota hai, toh jab voh rota/roti hai, adhiktar maa-baap ko pata hi hota hai ki kaise sab karna hai vagera..zid puri ki jaati hai, kyunki bade vaale ke saath sabhi aadarsh baant jo liye hote hain isliye chote vaalon ko adhiktar kaafi choot mil hi jaati hai..kyunki kaafi parents teesra plan nahi kar rahe hote toh ab dusra vaala hi unka khilona hota hai, voh bhi chahte hain ki thodhi riayat toh kar hi dete hain, lekin matashree ko sab dekhna hota hai, toh voh toh strict rehti hi hain, ki sab napa tula rahe..

Papa log adhiktar beton ke aur maa adhiktar betiyon ke saath sakht rehte hain..lekin yeah adhiktar ke anusaar keh rahi hoon main zaroori nahi har ghar ka yeahi mulayank ho..khair..toh yeah sab chal hi raha hota hai ki baatein aani shuru hoti hain..tezi se jawani aati hai, aur usi tezi se maa-baap budhe hone lagte hain..

Kabhi chote bade se pehle naukri shuru kar lete hain, kabhi bade kewal padhayi ko hi focus rakhte hain..phir ghar mein lehar aati hai inki shaadiyon ki - haan haan padhayi likhayi obviously maine speedometer pe tez rakha lekin aap samajh toh gaye honge hi..

Khair shadi ke time aati hai sabse badi pareeksha, manmotaav, jeewan bhar ki parwarish, izzat, maryada, icchayein, khwaab, vidhata par vishwas, saubhagya, sanskar, tavajjo, ehmiyat, narazgi, nazarandaazi aur sabse uppar maun aur blessings!!

Yeah sab bhawanayein pariwar mein aati hain, mostly, iss sabke baad shadi hoti hai, phir shadi ke dau-pech samajh aane shuru hote hain, tabh pata padhata hai ki aajtak jab suna tha ki Marriage is the most diplomatic among all relationships uski gehraayi vakya sach hai 🥳 asli pareeksha shadi kar lene mein nahi hai, shadi ko nibhane aur barkarar rakhne mein hai, phir hota hai vapas maa-baap ki jaddo-jehad ka ehsas, jab voh bachpan se kehte the ek baar shadi kar lo aate-daal ka bhav pata chalega aur hum sabhi again mostly hum sabhi bolte they arey yaar itni kanjoosi nahi karo, hum dekhna kaise sab kar lenge..😂🤣

Yeah sab chal hi raha hota hai, ki ek dum se news aati hai kabhi kabhi, kisi kisi pariwar mein ki ab kisi ek ke mata ya pita nahi rahe, shadi ke baad jo maa-baap keliye karna chahte hain hum sabhi, voh kaafi sapne adhure reh jaate hain, kuch toh mata-pita ko apni shadi tak bhi dekh nahi paate, kuch mata-pita apne pota-poti dekh nahi paate..utna hi saath likha hota hai..phir hum aur bade hote hain, ghar pariwar mein sab saath mein bade hote hain, vidhi ka vidhaan samajhne lagte hain..

Ramayan aur Mahabharat kareeb se samajhne lagne lagte hain, Geeta ka paath aur na jaane kya kya sabak samajhne lagte hai..aur chunautiyaan aati hain, kuch log shadi ke bahar sukoon paate hain, kuch maar-pitaayi se jhoonjhte hain, kuch log Porn addiction mein samate hain, kuch  drugs ke shikaar ho jaate hain..iss sabke uppar aati hai..manasikta..manovaigyanik kya karta hai - aapki isi maanasikta se aapko roo-baroo karta hai..kuch log sambhal jaate hain, kuch manovaigyanik ko bhi dhool chata aate hai..

main hamesha sabhi ko ek baat kehti hoon, koi bhi kisi dusre ki tarah nahi hota theek hamare fingerprints ki tarah, isliye koi bhi kabhi bhi kisi ko replace nahi kar sakta, hamare purvaj aur unke purvaj bhi jo fingerprints leke aaye they aaj tak kisi ek bhi manushya ka fingerprint kisi dusre se mel nahi khata, jisne iss brahmaan ka nirman kara hai uss se bada nirmata, karigar, kalakaar aur artist aur koi nahi hai, toh kuch seekhna hai toh uske sath judo aur bane raho, aapas mein comparison karna waqt zaya karna hai, koi bhi aapse behtar nahi hai agar aap apne aap ko behtar banane mein jujaro bane rahein usi prakaar koi bhi aapse neeche nahi hain agar aap uske pairon mein zameen rakhne ki kshamta rakhte hain, aap uski aankhoon mein hamesha aasmaan bankar raheinge..

Maa-baap agar apne bachhon ko dhan-sampatti ki bajaye ‘apna kaam swam karo’ ki seekh zyaada dein toh voh apne pairon pe khade hokar khudh ka dhan aur sampatti bana sakte hain, kewal unko sanskaar dein ki voh khudh apna pet paal sakein, pyaar dhan-daulat naam kar dena nahi hota.

Mera maan-na hai - jo bhi maa-baap kamate hain voh unko kisi Blind School, ya eye donation centres, ya apahij aur anaath ko dene se jitni duayein milengi voh aulaad ko dene se kabhi nahi milengi..

ek dog shelter ko bhi daan mein dedene se maano aap apna jeewan acharan swarg ke marg pe le ja padhenge.

Agar aapke bachhe aapke sanskaar se zyada koi bhi maatra ke dhan-sampatti ko tavajjo dete hain, aur aap apne budhape mein kewal unka sahara bana rahe isiliye mann maarke bhi unhi keliye aajeewan sangharsh mein jhulaste hain, toh aap apna margadarshan gava rahein hain..

Bacche voh kaabil hote hain, jo sab kuch khudh kamayein aur maa-baap ke kamaye dhan-daulat pe koi bhi haqk na jatayein.

60 saal ki Umar mein toh insaan sab kuch karke thodha free hota hai ki apni zindagi jeena shuru kar sake, yeah agar aajkal ki peedhi ke saath saath maa-baap bhi samajh jaayein toh voh apne liye samay nikal kar zarur holiday pe jaayein.

Padha likha diya, baaki aapke bachho ki khudh ki kismat, voh khudh banayeinge..aur agar kaheen fail hote hain, toh unhone voh kamaya hai, failure kabhi The End nahi hota, hamesha success ki bahut badi seedhi hota hai..jo bahut hi zaruri hota hai..

Main aaj garv karti hoon ki mere maata-pita ne mujhe itna saksham banaya hai ki kabhi kisi ke aage haath failana nahi padhe, jab kabhi bhi meri santaan hogi, main yeahi parwarish usko bhi dene ki koshish zaroor karungi..apne bachhon ki shaadi hone ke baad maa-baap ka shaadi mein koi bhi sujhaav na dena maine apne maata-pita se seekha hai..yeah shuruvaat mein toh kaafi kadwa aur ajeeb lagta hai kyunki Ramayan ka zamana nahi, lekin dheere dheere itna garv hone lagta hai, ki agar sab kuch ek pati aur patni par hi chodh diya jaaye unke vyavahit jeewan ke baare mein soch vichaar ke maamloon mein, toh vakya mein - doodh ka doodh aur paani ka paani - saanf dur baithe dikhayi dena shuru ho jata hai..theek chand aur suraj ki tarah, dur hain par durust hain..apne hone ka bharpoor nazara dete hain aur har din unki chamak mausami roop se badhti aur ghat-ti hai.

Koi toh vajah hogi ke jin logo ke paas mata-pita, rishtedaar, salah-mashvarah karne keliye koi bade buzurg nahi reh jate unko sadh buddhi dene, har kadam pe saath dene, uppar wala swam aajaata hai..

Kisi bhi rishte mein aap Loyality aur Trust pehle dete hain, tab jaake Love and Respect milti hai, yeah kabhi vice-versa nahi ho sakte, jo bhi log himmat haar dete hain, aatma hatya kar lete hain, vah log kamzor nahi hote, adhiktar log bas apna vatavaran badalne ke jujaro hote hain..lekin badal nahi paate anek karanon ki vajah se.

Achanak, bolne vaala insaan agar aapko chup lagne lage, achanak chup rehne vaala insaan agar aapko bolta dikhne lage, toh zaruri nahi ki voh hatash hi hua ho, kabhi kabhi bhawanayein bayaan nahi kari ja sakti, kewal mehsoos ki jaati hain, dur baithe ek vishwas ke saath ke jo kuch hota hai acche ke liye hi hota hai aur aage bhi jo kuch hoga achhe keliye hi hoga.

Kabhi kabhi jab koi apna pura jeewan bita kar apne time pe chala jata hai, sometimes such deaths are a Kindness !!

Women offices sambhaalti hain, women bosses kaafi achha bhi kar rahi hain alag alag fields mein, theek usi tarah jaise world ke kaafi best chefs purush hain, isliye Kitchen ko gender specific na banayein, aajkal ki peedhi se zyaada yeah mata-pita ko samajhna zaroori hai, cooking life skill hai, women ka talent nahi 🙅🏻‍♀️  Birju Maharaj - Kathak sikhate hain toh dance bhi kewal ladkiyon ka talent nahi, Qala manushya ke gender tak limited hona ek prakaar ki aesi soch hai jo khudh women across the world apni next generation women keliye adachan pradaan kar rahi hain..

Crime Patrol par bana ek bada hi funny video viral hua tha, stand up comedian bol raha tha - crime patrol vaale bol rahe hain ki Criminal toh crime karega hi tum ghar se apna badan leke bahar kyun ja rahe ho !? Voh toh murder karega hi..Gold ki chain gale se kaatne vaala toh kaatega hi tum gold ki chain pehan ke bahar kyun ja rahe ho !?

Hum sabhi iss viral video pe hanse toh bahut they, lekin baat ki gehraayi kitni sach hain, hum ladkiyon ke kapadon pe zyaada taana-kashi karte hain bajaye Rapist ki manasikta pe..

6 mahine ki beti toh diaper mein hoti hai, voh kya hi aur pehan sakti hai !? 80 saal ki lady maa/daadi ka swarup hoti hai - agar inme bhi ek rapist ko kewal apna swad dikhe toh changes laana bhi kewal hamare haath mein hi hona chahiye.

Bade time ke baad kuch likha hai..socha universe se isko share karun, kya maloom, kisi na kisi ko yeah padhne maatr hi raahat mile..

Main gyaani nahi hoon, na hi antar yaamihoon, lekin anubhavi zaroor hoon, inme se kaafi anubhav jiye hain maine..aur isliye ek shant aur khush mann se main har ek insaan ki himmat banna chahungi jise bhi kabhi baat karne yogya lagoon..

-aabhaar ❤️🙏